УИХ-ын гишүүн С.Эрдэнэбат тэтгэврийн зээл олголттой холбоотой асуудлаар Монголын ахмадын холбоо болон ахмадын төлөөллүүдтэй уулзаж тэдний санал хүсэлтийн дагуу зохих хяналт, шалгалт хийн ажиллаж буй.

Энэ талаар тэрбээр "Тэтгэврийн зээлийн асуудлаар зүгээр нэг хөөцөлдөөд яваа юм биш шүү. Төр засаг түвшинд өнөөдөр байгаа хууль эрхзүй хүрээнд тодорхой үр дүнд хүрч л байна. Тэтгэврийн зээлийн олголттой холбоотой асуудлаар Монголын ахмадын холбоо болон ахмадын төлөөллүүдтэй уулзаж тэдний санал хүсэлтийг сонсож байна.

Хүн төвтэй тодотголтой засаглалын нийгмийн асуудал эрхэлсэн бүтцийн хорооны нэг төрийн түшээгийн хувьд Нийгэм эдийн засаг санхүүгийн зах зээл г.м олон асуудлын толь шийдэх ёстой асуудал гэж харж байгаа.

Өдөр бүр олон ахмадууд асуудал байгаа болоод л хандаж байгаа учир зүгээр орхимгүй байна.

500 гаруй мянган ахмадын 70 хувийн байнгын хэрэглэдэг Тэтгэврийн зээлийн цаадахыг өнгийгөөд харвал зөвхөн ахмадын амьжиргаа хэрэглээний ч биш дундаж болон түүнээс доош ихэнх өрхийн хувьд ахмадын биш амьдрал зээл юм билээ.

Өрхийн бизнecийн эргэлтийн хөрөнгө, орон сууцаа сайжруулах, үр хүүхдээ боловсролтой болгох, өрх тусгаарлахад дэм болох, өвөлжилт бэлтгэл, өвчин зовлон даван туулах гээд хүний амьдралд тохиох зовлон жаргалын үeд амин чухал санхүүгийн хэрэгцээг залгуулдаг онцгой санхүүгийн хэрэгцээ болжээ. Амьдрал баян түмэн дунд цөөн хэдэн эцэг эхээ мэрсэн зөнгөр нөхдийн гэж ярих нь өрөөсгөл бөгөөд жич асуудал.

Энэ зээлийг төвөгшөөлгүй сайн муу хэлүүлж олгодог банкуудыг ч бодлогоор дэмжиж, зээлийг хөнгөлөх нь төрийн салшгүй нэг бодлого байх ёстой. Энэ зээл хаалттай бол зээлийн бусад зах зээл ББСБ, аппликэйшн, ломбард, хар захын сар өдрийн гээд жилийн 40-100 хувийн зээлийн дарамт руу орж, ядуурал руу гулсдаг жамтай.

Нийт зээл багцад хувь хавьцаа эргэн төлөлт 95 хувиас дээш А+ байна. 100 хувь хэрэглээний зээл үнэ ханш өсгөдөг гэж үзэж боломгүй, олон салбарыг тэтгэдэг гэдгийг нь тооцох хэрэгтэй юм.

Алсдаа эрсдэлийг тооцож энэ санхүүгийн зээлийн асуудлыг огцом биш аажмаар зөөлөн шилжилтийн дунд хугацааны бодлогыг 3-5 жил хэрэгжүүлж нийгмийн зөвшилцөл хийх онцгой шаардлага үүссэн байна.

Дунд урт хугацааны бодлого бол нийгмийн баялагийн шудрага хуваарилалт, хамгаалал, даатгал, орон сууц, эрүүл мэнд, жижиг дунд бизнec хөгжил нарийвчилсан төлөвлөлт юм… Үүнийг маргааш биш яг одоо өнөөдөр хийж нарийн төлөвлөж хийх үүрэг бидэнд ногдож байна" гэжээ.