АНУ-ын арми Сири дэх "ISIS" бүлэглэлд цохилт өгснийг албаныхан мэдээллээ. Айова мужийн Үндэсний гвардын хоёр цэрэг болон тэдний америк орчуулагчийг тус бүлэглэлийн гишүүн зэвсэгт этгээд хөнөөсөн хэрэг өнгөрсөн оны арванхоёрдугаар сарын 19-нд гарч байсан. Энэ хэргээс хойш АНУ хоёр дахь удаагаа Сири дэх "ISIS" бүлэглэлийг онилж байна.

АНУ-ын Сирийн асуудал эрхэлсэн тусгай элч Том Баррак Дамаск хотод Сирийн шинэ удирдагчтай уулзаж, улс орны ирээдүйн талаар хэлэлцсэн гэж мэдэгдсэн. Том Баррак энэ талаар жиргэхдээ "Өнөөдөр ерөнхийлөгч Дональд Трамп болон Төрийн нарийн бичгийн дарга Марко Рубио нарын нэрийн өмнөөс би Сирийн ерөнхийлөгч Ахмед аль-Шараа, Гадаад хэргийн сайд Асаад аль-Шайбани нартай уулзлаа" гэсэн юм.

Тус мэдэгдэлтэй зэрэгцэн "ISIS" бүлэглэл цохилтод өртөв. АНУ-ын Төв командлалын мэдэгдэж буйгаар цохилт нэгдүгээр сарын 10-нд орон нутгийн цагаар өдрийн 12:30 цагт болсон бөгөөд Сири даяар хэд хэдэн байг онилжээ. Мөн арванхоёрдугаар сарын 19-нд болсон аллагын хариу арга хэмжээ болох "Hawkeye Strike" ажиллагааны нэг хэсэг гэдгийг Төв командлал баталсан байна.