Хагас дамжуулагч үйлдвэрлэхэд ашигладаг химийн бодисын Японы импортод “дэмпингийн эсрэг” мөрдөн шалгалт явуулна гэж Хятад улс мэдэгдэв.

Тодруулбал, бараа бүтээгдэхүүн, үйлчилгээг өөрийн өртгөөс нь хямд худалдан борлуулахыг “дэмпинг” гэж нэрлэдэг. Хятадын Худалдааны яам өчигдөр (2026.01.07) дихлорсилан хэмээх химийн бодисын үнийг хэр хэмжээгээр бууруулсан, дотоодын үйлдвэрлэлд ямар нэгэн хохирол учирсан эсэхийг судална гэж мэдэгдэв.

Мөрдөн байцаалт зарчмын хувьд нэг жил үргэлжлэх юм байна. Үр дүнд нь Японы тарифыг нэмэгдүүлэх боломжтой.

Хятад улс Японы ерөнхий сайд Такаичи Санаэгийн арваннэгдүгээр сард хэлсэн “Тайваньд хүч хэрэглэхтэй холбоотой онцгой байдал үүссэн нь Японы оршин тогтнолд заналхийлж болзошгүй” гэх мэдэглийн эсрэг хүчтэй хариу үйлдэл үзүүлж буй. Улмаар мөрдөн байцаалт явуулахаас гадна Бээжин цэргийн болон иргэний зориулалтаар ашиглаж болох давхар хэрэглээний бараа бүтээгдэхүүний экспортын хяналтыг чангатгах болно гэж Мягмар гаригт мэдэгдсэн байна.

Эдгээр алхамууд нь хурцадмал байдалтай холбогдуулан Хятадын Японд үзүүлж буй эдийн засгийн дарамтын нэг хэсэг байж магадгүй юм.