АНУ өнгөрсөн сард Венесуэлийн усан онгоцны зогсоол руу цохилт өгсөн. Гэсэн ч цохилтыг үл харгалзан АНУ-тай яриа хэлэлцээ хийхэд бэлэн гэж Венесуэлийн ерөнхийлөгч Николас Мадуро мэдэгдэв. Тэрбээр "АНУ-тай хар тамхины наймаа, газрын тос, цагаачлалын асуудлаар тэдний хүссэн цагт, хүссэн байршилд хэлэлцэхэд бэлэн байна" гэсэн юм.

Энэхүү цохилтын талаар Трамп мэдэгдэхдээ "АНУ Венесуэлийн хар тамхи тээвэрлэгч усан онгоцнуудын ашигладаг зогсоолын бүсэд цохилт өгч, устгасан" гэжээ.

АНУ-ын хүчин есдүгээр сараас хойш Карибын тэнгис болон Номхон далайн зүүн хэсэгт усан онгоцуудад олон удаа цохилт өгсөн. Тухай бүртээ хар тамхины наймаачдыг онилж байгаа гэж мэдэгдсэн билээ. Олон улсын эрх зүйн мэргэжилтнүүдийн үзэж байгаагаар эдгээр цохилт нь шүүхийн бус аллагатай дүйцэх үйлдэл болох юм. Гэсэн ч АНУ үүнийг үгүйсгэж байна.