Цагдаагийн байгууллагаас энэ оны эхний 11 сарын байдлаар 105,770 хэрэгт мөрдөн шалгах ажиллагаа явуулж, өнгөрсөн 7 хоногт шүүхэд шилжүүлэх саналтай прокурорын байгууллагад 241 хэргийг хүргүүлжээ.

Үүнээс, хүний амьд явах эрхийн эсрэг 5, хүний эрүүл мэндийн халдашгүй байдлын эсрэг 84, хүний бэлгийн эрх чөлөө, халдашгүй байдлын эсрэг 5, өмчлөх эрхийн эсрэг 89, олон нийтийн аюулгүй байдал, ашиг сонирхлын эсрэг 2, хүрээлэн байгаа орчны эсрэг 6, хөдөлгөөний аюулгүй байдал, тээврийн хэрэгслийн ашиглалтын журмын эсрэг 43, бусад 7 хэрэг байна.

Холбоотой мэдээ

УИХ-ын дарга Н.Учрал ЕЭК-ын Сайд нарын зөвлөлийн дарга Б.А.Сагинтаевтай уулзав

12 минутын өмнө

Зөрчлийн шинжтэй 74,289 үйлдэлд зөрчил шалган шийдвэрлэх ажиллагаа явуулж, 72,883 зөрчлийг шийдвэрлэсэн байна. Нийт шийдвэрлэсэн зөрчлийг эрх бүхий албан тушаалтнаас буюу цагдаагийн алба хаагч шийдвэр гаргаж, 935 зөрчлийг шүүхээр шийдвэрлүүлсэн байна.

Үүнээс: олон нийтийн газарт зүй бусаар биеэ авч явах 1450, танхайрах 205, хүний биед халдах 302, гэр бүлийн хүчирхийлэлтэй тэмцэх тухай хууль зөрчих 200, замын хөдөлгөөний аюулгүй байдлын тухай хууль зөрчих 70.642, бусад 1019 зөрчил байна.

Эдгээрээс хүүхдийн эрхийг зөрчсөн 90 иргэнд 26 сая 500 мянган төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 44 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.