Хятад улс Тайванийн эргэн тойронд томоохон цэргийн сургуулилалт явуулах гэж буйг мэдээлж байсан билээ. Тодруулбал, хуурай замын, тэнгисийн болон агаар, пуужингийн хүчний цэргүүдийг өргөн бүрэлдэхүүнтэйгээр Тайванийн бүс рүү илгээж, "Шударга ёсны зорилго 2025" нэрийн дор бэлтгэл хийж байв.

Тэгвэл Хятадын батлан хамгаалах байгууллага Тайванийн эргэн тойронд явуулж буй томоохон хэмжээний цэргийн сургуулилалтаа зогсоосноо зарлалаа. Ардын чөлөөлөх армийн Дорнод театрын командлал Лхагва гаригт (2025.12.31) олон нийтийн мэдээллийн хэрэгслээр энэ талаар мэдэгдэв. Хятад улс цэргийн сургуулилалт явуулж буйгаа "Тайванийн тусгаар тогтнолын салан тусгаарлагч хүчин" болон "гаднын оролцоо"-д хатуу анхааруулга гэж мэдэгдэж байсан юм. Түүнчлэн Тайванийн эргэн тойрон дахь усанд эсминс болон бусад зэвсгийг байрлуулж, бүслэлт зохион байгуулах чадвараа шалгах, холын зайн галын сургуулилалтт хийсэн гэж мэдэгдэв.