Хятад улс Тайванийн эргэн тойронд томоохон цэргийн сургуулилалт явуулах гэж буйгаа мэдэгдлээ. Энэ хүрээнд цэргийн анги нэгтгэлүүдийг бүс нутаг руу илгээх аж. Тодруулбал, хуурай замын, тэнгисийн болон агаар, пуужингийн хүчний цэргүүдийг өргөн бүрэлдэхүүнтэйгээр Тайванийн бүс рүү илгээж байгааг Зүүн Хятадын тэнгисийг хариуцдаг командлалаас мэдэгдэв.

Энэ удаагийн сургуулилалт нь дөрөвдүгээр сараас хойших анхны томоохон сургуулилалт болж байна.

Сургуулилалтын нэр нь "Justice Mission 2025" буюу "Шударга ёсны зорилго 2025". Зүүн Хятадын тэнгисийг хариуцдаг командлалаас мэдэгдсэнээр энэхүү сургуулилалт нь Тайванийн тусгаар тогтнолын төлөөх салан тусгаарлагч хүчин болон гадны хүчнүүдэд анхааруулга болох юм. Сургуулилалтын хүрээнд Мягмар гаригийн /2025.12.30/ өглөөний 08:00 цагаас оройн 18:00 цаг хүртэл Тайванийн агаар, усан орон зайн ойролцоо гал нээнэ.