УЦС-д бөмбөг тавьсан байв | News.MN

УЦС-д бөмбөг тавьсан байв

Хуучирсан мэдээ: 2010.09.09-нд нийтлэгдсэн

УЦС-д бөмбөг тавьсан байв

Дагестаны Ирганайн усан цахилгаан станцын агрегатын сууринд бөмбөг тавьсан байсныг илрүүлсэн устгасан тухай РИА Новости агентлаг мэдээлэв. Мягмар гаригт машины танхимд нь гал гарсныг унтраах үеэр тэсрэх төхөөрөмжийг илрүүлэн роботын тусламжтайгаар аюулгүй болгосон байна. Дөрвөн кг тротилийн хэмжээний тэсрэх бодисыг пластик савнуудад хийгээд хооронд нь холбон цэнэгийг нь гар утастай холбосон байжээ.

Тэсрэх төхөөрөмжийн дэргэд үзгэн минийг орхисон байв. Энэ хэргээр эрүү үүсгэн хэрхэн ямар замаар тэсрэх төхөөрөмж тэнд орсныг шалгаж эхэлжээ. Харин тэнд гарсан гал нь маслын шахуурга эвдэрснээс үүсчээ.

Энэ үеэр Хойд Осетийн нийслэл Владикавказын төвд дэлбэрэлт гарчээ. Орон сууцны районд тэсрэх төхөөрөмжтэй машин дэлбэрсэн гэж мэдээлж байна. Наад зах нь 15 хүн үрэгдэж, хэдэн арван хүн шархаджээ. Дэлбэрэлт болсон байрны ойролцоох зах дээр сэжигтэй машин илэрсэн ба түүнд тэсрэх төхөөрөмж байж магадгүй гэж цагдаагийнхан захыг хаан шалгаж байна.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж