Японы эрх баригч Либерал ардчилсан намын өндөр албан тушаалтан Тайваньд айлчилсан нь Хятадын дургүйцлийг төрүүлээд байна. Бээжин энэ айлчлалыг эрс эсэргүүцэж байгаа бөгөөд Японы талд хандан алдаагаа ухамсарлахыг уриалж байна гэж Хятадын Гадаад хэргийн яам мэдэгджээ. Японы ерөнхий сайд Санаэ Такаичигийн мэдэгдэлтэй холбоотойгоор хоёр талын харилцаа хурцдаад буй үед Хагиүдагийн айлчлал боллоо.

Тайванийн ерөнхийлөгч Лай Чин Тэ Японы Либерал ардчилсан намын гүйцэтгэх ерөнхий нарийн бичгийн даргын үүрэг гүйцэтгэгч Койчи Хагиүдаг Даваа гаригт Тайпэй дахь ерөнхийлөгчийн оффист хүлээн авч уулзсан. Энэ үеэр талууд бүс нутгийн тогтвортой байдлыг хангаж, чөлөөт, нээлттэй Энэтхэг-Номхон далайн бүсийг бий болгохын тулд Япон, Тайвань хоорондын хамтын ажиллагааг гүнзгийрүүлэх талаар хэлэлцжээ. Мөн ардчилсан орнуудыг нэг нэгээрээ тасарч үлдэлгүй хамтдаа зогсохыг Лай Чин Тэ уриалсан байна.