Саудын Арабын угсаа залгамжлах хунтайж Мохаммед бин Салман Аль Сауд Испанийн хөлбөмбөгийн клуб болох Барселонаг худалдаж авах талаар бодож байгаа гэж "Qazinform" мэдээллийн агентлагийн сурвалжлагч мэдээлэв.

"El Chiringuito" телевизийн сэтгүүлч Франсуа Галлардогийн "X" хаягт хуваалцсан мэдээллээр Саудын угсаа залгамжлах хунтайж 10 тэрбум еврогоор худалдаж авах санал тавьж магадгүй байна. Тэрбээр мөн Барселона клубийг гишүүд нь хамтран эзэмшдэг төдийгүй клубийн удирдлага сонгох, гол шийдвэрүүдийг хянахад оролцдог гэдгийг онцолжээ.

Тиймээс угсаа залгамжлах хунтайж худалдан авахад цорын ганц учрах саад тотгор бол клубийн гишүүд гэж үзэж байна.

Галлардо мөн Барселонагийн одоогийн өр 2.5 тэрбум еврогоос давсан гэдгийг дурдсан байна. Клубийн үнэлгээ ойролцоогоор 5.6 тэрбум ам.доллар бөгөөд дэлхийн хамгийн үнэтэй таван хөлбөмбөгийн багийн нэг юм. Барселона нь Манчестер Юнайтед, Реал Мадридын дараа дэлхийд гуравдугаарт бичигдэж байна. Өмнө нь "Qazinform" мэдээллийн агентлаг Барселона клуб 2026 онд Монгол Улсад залуучуудын хөлбөмбөгийн академи болох "Барселона академи" байгуулах төлөвлөгөөгөө зарласан гэж мэдээлсэн.