МАХН-ын бага хурал хуралдсан өдөр ордны хаалган дээр байсан нэгэн ийн дуу алджээ. Учир нь энэ өдөр хуралдаа оролцохоор намын ахмад гишүүд тэрүүгээр эргэлдэж байцгааж. Үнэхээр  Улс төрийн товчоо, Сайд нарын зөвлөл, Даш-Ёндон, Лантуу  гэхээр динозаврууд санагдах нь аргагүй ч юм шиг.

90 насныхаа ойг тэмдэглэх гэж буй ууган улс төрийн хүчин  МАХН бага хурлаа энэ долоо хоногт хийсэн. Улс даяараа улстөржчихсөн манай хувьд өөрт нь огт падгүй ч аль нэгэн нам хурал хуй хийж байвал заавал дуулиан болдог. Тэр жаягаар ах намын бага хурал ч олны анхаарлын гадна үлдсэнгүй. Харин хурал болгоноос хэрүүл тэмцэл хүлээж байдаг хүмүүсийн горьдлого энэ удаа биелсэнгүй. Ганцхан өдөр, эвтэйхэн хуралдаад тарж одсон энэ хурлаас гарсан хамгийн гол сенсаац нь нам нэрээ солино гэсэн шийдвэр. Хэдэн хүн байна, тэдэн санаа байх тул хоёр сарын дараа болох их хурал хүртэл нь энэ асуудал хамгийн том маргаан байх биз.
 
Д.Амина