“Монголын хөрөнгийн бирж” ХК-ийн гүйцэтгэх захирлын үүргийг түр орлон гүйцэтгэгчээр Д.Мөнхбатыг томилжээ. Д.Мөнхбат нь АНУ-ын “JPMorgan Chase” банкнаас ажлын гараагаа эхэлсэн. Монголын хөрөнгийн зах зээлд “Ди Би Эм ассет менежмент ҮЦК” ХХК, “Голомт капитал ҮЦК” ХХК зэрэг компаниудад удирдах албан тушаал хашиж, үнэт цаасны зах зээлд шинэлэг бүтээгдэхүүн нэвтрүүлэх, олон улсын санхүүжилттэй төсөл, хөтөлбөрүүдийг удирдаж байсан туршлагатай аж.

“Монголын хөрөнгийн бирж” ХК-ийн гүйцэтгэх захирлын үүргийг түр орлон гүйцэтгэгч Т.Хаш-Эрдэнэ өөрийн хүсэлтээр албан тушаалаасаа чөлөөлөгдсөнтэй холбоотойгоор Төлөөлөн Удирдах Зөвлөлийн 57 дугаар тогтоолоор Т.Хаш-Эрдэнийг Бизнес хөгжлийн газрын захирлын албан тушаалд эргүүлэн томилж, нээлттэй сонгон шалгаруулалтаар гүйцэтгэх захирал томилогдох хүртэл хугацаанд гүйцэтгэх захирлын үүргийг түр орлон гүйцэтгэгчээр Д.Мөнхбатыг томилсон байна.