Тэрэлжийн тунхаг | News.MN

Хуучирсан мэдээ: 2010.09.09-нд нийтлэгдсэн

Тэрэлжийн тунхаг

МАХН нэрээ солих тухайгаа “Тэрэлжийн тунхаг”-аар зарласан. Энэ асуудлыг Их хурлаараа шийдвэрлүүлж чадвал “Тэрэлжийн тунхаг” нь намын төдийгүй улсын түүхэнд үлдэх үйл явдал болох нь тодорхой юм. Дэлхийн түүхэнд болсон газар нутгийнхаа нэрээр нэрлэгдэн, нэр үг болтлоо хэвшсэн үйл явдлууд олон байдаг. Мальтын гэрээ, Кэмп Дэвидийн хэлэлцээр ч гэдэг юм уу. Манайд бас Хиагтын гэрээ гэх зэргээр ярьдгийг уншигчид мэдэх байх. “Тэрэлжийн тунхаг” ч эдний жишгээр ирээдүйд МАХН-ын нэрээ солих түүхэн шийдвэртэй хамт дурдагддаг болох биз.

Гэхдээ яагаад Улаанбаатарын биш “Тэрэлжийн тунхаг” юм бол. Уг нь байр нь шатсан ч гэсэн Улаанбаатараас нүүгээгүй биз дээ. Яг зөв, энэ тунхагийг гаргахдаа МАХН-ын томчууд Тэрэлжид цуглажээ. “Гацуурт”-ын Чинбат гэж сүүлийн үед нэр нь цуурайтах болсон нэгэн эрхэм Монголдоо хамгийн анхных нь байж мэдэх “Тэрэлж” гэдэг таван одтой зочид буудал барьсан. Үнэхээр дээд зэрэглэлийн үйлчилгээ үзүүлдэг тансаг, тохилог энэ буудалд Монголын улстөрийн томчууд, тэр дундаа МАХН-ынхан цуглах дуртай болсон гэнэ. Тэд нэрээ солих түүхэн шийдвэр гаргахдаа “Тэрэлж” буудалд тухласан юм байна. Алт ухаж баяжсан, газар тариалан эрхэлдэг, бас хажуугаар нь телевиз ч хүртэл байгуулсан Чинбат гэдэг хүн МАХН-ын экс дарга С.Баярын найз хэмээн хүмүүс  ярих юм билээ. Ганц бие лидер маань АНУ руу явахаасаа өмнө хааяа хааяа таван одтой буудалд алжаалаа тайлдаг байсан гэдэг.

“Хиагтын гэрээ” гэдэг шиг хожим дурсагдах “Тэрэлжийн тунхаг”-ийг зочид буудлынхаа нэрээр нэрлүүлчихдэг Чинбат гуай бас азтай хүн юм. Уг нь болсон газрынх нь нэр басТэрэлж мөн л дөө. Гэхдээ цаг хугацаа өнгөрсний дараа “Тэрэлж” буудал үлдэж, заан Тэрэлжийн ам байхгүй болохыг хэн байг гэхэв дээ.   
Д.Амина.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

dorjoo 2010-09-09 182.160.56.78

yun honhnii duu mongold huvisgal hiidegee hiitsen odoo buteen baiguulalt heregtei baina enhbayar enhsaihan uyanga nar eldev yum yarij hunii tolgoi erguulj ajliin sadaa bolohoo bolimoor yum

Avatar

www.freecall.mn 2010-09-09 202.170.67.217

Сайн байцгаана уу
Та бүхэн дэлхийн 200-д орны үүрэн болон суурин утасруу маш хямд тарифаар ярих боломжтой боллоо Дэлгэрэнгүй
мэдээллийг дээрх сайтнаас авна уу

Avatar

Зочин 2010-09-09

ternees omno Enkhbayar deelee nomorno daraa n busad n

Avatar

Зочин 2010-09-09

Энэ тунхагийг гаргасан МАХН-ын арчаагүй аймхай удирдлага СүБатболд Лүндээжанцан МЭнхболд ДДондог нар удахгүй авилгалын хэргээр дээлээ нөмөрнө дөө

NewsMN Гар утасны хувилбар Татах
NEWS.mn

Мэдээллийн эх сурвалж