Энэ сарын 11-нд нутгийн баруун өмнөд хэсгээр, 12-нд нутгийн өмнөд хэсгээр цас орж, цасан шуурга шуурч, ихэнх нутгаар хүйтний эрч чангарахыг анхааруулж байна.

2025 оны арванхоёрдуаар сарын 10-14-нийг хүртэлх цаг агаарын урьдчилсан төлөв:

Маргааш буюу энэ сарын 10-нд баруун болон төвийн аймгуудын нутгийн зарим газар, говь болон зүүн аймгуудын нутгийн өмнөд хэсгээр, 11-нд баруун аймгуудын ихэнх нутаг, төвийн аймгуудын нутгийн баруун өмнөд, говийн аймгуудын нутгийн баруун хэсгээр, 12-нд баруун болон төвийн аймгуудын нутгийн өмнөд хэсэг, говийн аймгуудын ихэнх нутгаар, 13-нд говийн аймгуудын нутгийн зүүн хэсгээр цас орж, цасан шуурга шуурна.

Салхи 10-нд Алтайн уулархаг нутгаар, 11-нд Алтайн уулархаг нутаг, Арц-Богдын өвөр хоолойгоор, 12-нд говийн бүс нутгаар секундэд 13-15 метр хүрч ширүүснэ.

Маргаан /2025.12.10/нутгийн хойд хэсгээр, цаашдаа ихэнх нутгаар хүйтний эрч бага зэрэг чангарч Дархадын хотгор, Завхан, Заг-Байдраг голын эх, Идэр, Тэс голын хөндийгөөр шөнөдөө -34-39 хэм, өдөртөө -23-28 хэм, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр шөнөдөө -28-33 хэм, өдөртөө -16-21 хэм, Хангайн нурууны өвөр бэл, говийн бүс нутгийн баруун өмнөд хэсгээр шөнөдөө -15-20 хэм, өдөртөө -5-10 хэм, бусад нутгаар шөнөдөө -21-26 хэм, өдөртөө -11-16 хэм хүйтэн байна гэж Ус, цаг уур орчны мэдээллийн газраас мэдээлэв.

Улаанбаатар хотод арванхоёрдугаар сарын 9, 12-нд ялимгүй цас орно.

Салхи: Ихэнх хугацаанд секундэд 5-10 метр. 9, 12-нд баруун өмнөөс хойш эргэж секундэд 8 -13 метр хүрч ширүүснэ.

Агаарын температур: Яармаг-Сонгиныорчмоор -27-32 хэм, бусад хэсгээр -20-25  хэм, өдөртөө -11-16 хэм хүйтэн байна.