Загварын "Velin" сэтгүүлийн шинэ дугаарт уншигчид Монголын шилдэг цахим спортын багийн загварлаг гэрэл зураг, ярилцлагыг сонирхон унших боломжтой боллоо. Б.Гарьдмагнай “bLitz”, М.Содбаяр “Techno4K”, Б.Аюуш “mzinho”, Б.Өсөхбаяр “910”, М.Азбаяр “Senzu”  нар дэлхийн цахим спортын тайзнаа амжилт гаргах нууцаасаа хуваалцжээ.

Instagram холбоос:

 

View this post on Instagram

 

A post shared by velin magazine (@velinmagazine)

The MongolZ баг Монгол Улсыг дэлхийд таниулахад томоохон хувь нэмэр оруулж байгаа. Тэдний амжилтаар дамжуулан дэлхийн сая сая цахим спорт сонирхогч Монголын тухай мэддэг болжээ. Өнгөрсөн жил тус баг MESA Nomadic Masters Spring 2024, YaLLa Compass 2024, Thunderpick World Championship 2024 зэрэг том тэмцээнүүдэд түрүүлсэн.

Энэ зун The MongolZ баг "Цахим спортын дэлхийн цом 2025" тэмцээний аварга болсон. Намар гэхэд тэд Valve болон HLTV-ийн чансааг тэргүүлж, дэлхийн хамгийн шилдэг баг гэх цолыг хүртсэн. Энэ жилийн анхны CS2 Мэйжор болох "BLAST.tv Austin Major 2025"-д мөнгөн медаль хүртсэн бол одоо улирлын хоёр дахь Мэйжор болох StarLadder Budapest Major 2025-ын плей-оффд шалгарчээ.

Тоглогчдын хэлснээр өдөр тутмын бэлтгэл, ивээн тэтгэгч 1xBet-ийн дэмжлэгтэй бүүт кэмпүүдээс гадна багаа нэг бүхэл болгодог уур амьсгал хамгийн чухал. Бие биедээ анхаарал тавих нь тайзан дээр тоглох сэтгэлзүйн дарамтыг амжилттай даван туулахад тусалдаг аж. Эерэг уур амьсгал бүрдэхэд багийн ихэнх тоглогчид анхнаасаа бие биенээ таньдаг байсан нь нөлөөлжээ. Mzinho болон Senzu хоёр багаасаа нөхөрлөсөн бол bLitz болон Techno4K нар багадаа шатрын тэмцээнд өрсөлдөж байв.

Тоглогчид мэдээж фэнүүдийнхээ дэмжлэгийг амжилтынхаа гол хүчин зүйл гэж үздэг. Чухал тоглолттой өдөр Улаанбаатар болон томоохон хотуудад мянга мянган фэнүүд цуглан багтаа урам өгдөг. Өнгөрсөн жил Улаанбаатарт The MongolZ-д зориулсан өнгөлөг ханын зураг бий болсон нь ивээн тэтгэгчийнх нь санаачилга гэнэ.

Завгүй тэмцээний хуваарьтай ч The MongolZ фэнүүдээ мартдаггүй. Хавар тэд бүрэн бүрэлдэхүүнээрээ Улаанбаатарт ирж, MESA Nomadic Masters Spring 2025 тэмцээний үеэр The MongolZ-ийн өмнөх үеийн домогт тоглогчид болох Zilkenberg, Tsogoo, Machinegun, Otgoo, ncl нарын эсрэг үзүүлэн тоглолт хийсэн билээ.