ОХУ-ын ерөнхийлөгч Владимир Путин Баасан гаригт (2025.12.05) Энэтхэгийн Ерөнхий сайд Нарендра Модитой хэлэлцээ хийж, эдийн засгийн харилцаагаа сайжруулах болсон байна. Тодруулбал, хоёр талын зарим салбарын худалдаа, хамтын ажиллагааг 2030 он хүртэл өргөжүүлэх “Economic Cooperation Programme”-д гарын үсэг зурсан юм. Энэхүү төлөвлөгөөнд худалдаа, хөрөнгө оруулалт, технологи, аж үйлдвэр, эрчим хүч, дэд бүтэц зэрэг олон салбарыг хамрах аж. Ингэснээр хоёр талын худалдааг 2030 он гэхэд 100 тэрбум ам.доллар хүртэл нэмэгдүүлэх зорилт тавьжээ.

 Оросын тал Энэтхэгт газ, нефть, нүүрс зэрэг түлш, түүхий эдийн тогтмол нийлүүлэлт хийхээ баталсан.

Орос дахь цөмийн технологи, реакторын хамтын ажиллагаа, дэд бүтцийн төслүүдийн тухай ярилцсан бөгөөд Энэтхэг дэх цөмийн том төсөл дээр хамтран ажиллах боломжийг онцолсон юм. Путин болон Моди нар мөн уламжлалт худалдаа-үйлдвэрлэлийн харилцаанаас илүүтэйгээр хамтарсан судалгаа, хөгжүүлэлт (R&D), дэвшилтэт зэвсэг болон батлан хамгаалах платформуудын хамтарсан үйлдвэрлэл рүү шилжихээр тохирсон.

Моди мөн олон улсын геополитикийн тогтворгүй байдлыг дурдаж, Энэтхэг улс төвийг сахих бус энх тайвны талд байна гэж мэдэгдсэн байна.

Энэ нь Украин дахь мөргөлдөөнд тал зааглахгүй, харин зогсоох гэж оролцох ёстой гэсэн үг гэж Энэтхэгийн хэвлэлд мэдээлсэн байв. Талууд терроризм, аюулгүй байдал, дэлхийн тогтвортой байдал зэрэгт хамтран ажиллахаа баталсан бөгөөд энэ нь аль алинд нь стратегийн ач холбогдолтой гэж мэдэгджээ.  Үүнээс гадна, Орос, Энэтхэг улс хамтарсан үйлдвэрлэл, технологи, дэд бүтэц, тээвэр, тээвэрлэлт, худалдаа, аж үйлдвэр, химийн үйлдвэр, хөдөө аж ахуй, хангамж, бусад олон салбарыг хамарсан төслүүдийг хэрэгжүүлнэ. Үүнд эдийн засаг, технологи, аж үйлдвэр, шинжлэх ухаан, боловсрол, соёл хүртэл багтаж байна. Валютын төлбөр, худалдааны төлбөрийн механизмыг өөрчлөх, үндэсний валют ашиглах, хоёр улсын төлбөр тооцооны шинэ схемүүдийг хэлэлцсэн байна.