“Samsung Electronics” компани энэ оны гуравдугаар улиралд эвхэгддэг ухаалаг утасны зах зээл дэх тэргүүлэх байр сууриа бататгаж чаджээ. “Counterpoint Research”-ийн тайланд дурдсанаар, тус компани энэ хугацаанд эвхэгддэг ухаалаг утасны дэлхийн нийт нийлүүлэлтийн 64 хувийг эзэлсэн байна. Энэ нь өмнөх оны мөн үеэс найман хувиар өссөн үзүүлэлт юм. “Samsung Electronics”-той харьцуулбал, Хятадын “Huawei Technologies”-ийн зах зээлийн эзлэх хувь өмнөх оны мөн үеэсээ огт өөрчлөгдөөгүй байна. Өнгөрсөн оны гуравдугаар улиралд “Huawei Technologies” зах зээлийн 15 хувийг эзэлж байжээ.

“Motorola Mobility” зах зээлийн эзлэх хувиар гуравдугаарт орсон бол үргэлжлээд Хятадын “Honor Device”, “Vivo Mobile Communications”, “Xiaomi” удаалж байна.

Дэлхий даяар эвхэгддэг ухаалаг утасны нийлүүлэлт өмнөх оны мөн үеэс 14 хувиар өсч, улирлын дээд амжилт тогтоосон аж. Үүнд “Samsung”-ийн “Galaxy Z Fold 7” цувралын алдар нэр нөлөөлжээ. Мөн эвхэгддэг ухаалаг утаснууд нийт ухаалаг гар утасны нийлүүлэлтийн 2.5 хувийг эзэлж байна.

Үүний зэрэгцээ, “Apple”-ийн эвхэгддэг ухаалаг гар утас худалдаанд гарах магадлалтай байгаатай холбогдуулан дэлхийн эвхэгддэг ухаалаг гар утасны зах зээл ирэх жил хурдацтай өсөх төлөвтэй байна.