Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв өнөөдөр /2025.12.3/ шатахууны асуудлаар сэтгүүлчдэд дараах хариулт өгөв.

-Улсын хэмжээнд өнгөрсөн арваннэгдүгээр сард АИ-92 төрлийн шатахуун 75 мянган тонныг хэрэглэсэн байна. Монгол Улсын хувьд шатахууны сарын сарын ердийн хэрэглээ 65 мянган тонн байдаг.

ОХУ-тай Монгол Улсын Ерөнхий сайд, Аж үйлдвэр эрдэс баялгийн сайд болон бусад албаныхан яриа хэлцэл хийж, тодорхой арга хэмжээг хэрэгжүүлсний үндсэн дээр хойд хөршөөс 75 мянган тонн шатахуун татсан нь улсын хэрэглээг хангаж байгаа гэж харж байна. Арванхоёрдугаар сард ОХУ-аас 62 мянган тонн шатахуун импортлохоор захиалга хийж, баталгаажуулсан. БНХАУ-аас 10 мянган тонн шатахуун авна. Нийтдээ 70 гаруй мянган тонн шатахуун авах учраас хангалттай хэмжээнд хүрнэ гэсэн тооцоо судалгааг гаргасан. Хомсдол үүсч, үнэ нэмэгдэж магадгүй гэсэн иргэдийн таамаг байгаа.

Үнийн тухайд, ОХУ-аас АИ-92 автобензин нэг тонныг нь 750 ам.доллараар авна гэдгээгэрээгээр баталгаажуулсан учраас үнэ тогтвортой байх нөхцлийг бий болгосон.

БНХАУ-аас захиалсан 10 мянган тонн нефтиэс 5000 тонн дизель түлш орж ирсэн. АИ-92 төрлийн шатахуун 6500 тонныг авахаас 4200 тонныг авсан байна. Үнэ болон хангамжийн тогтвортой байдлыг хангах зорилгоор олон талын оролцоог хангасан зөвлөл хуралдсан. Тухайн хурлаар автобензин болон дизель түлшний үнийг тогтвортой байлгана гэдгийг импортлогч компаниудтай харилцан тохирсон.

Баруун бүсийн хувьд АИ-92 төрлийн шатахууныг төвөөс татан авалт хийлгүйгээр, баруун бүсээс өндөр чанарын бүтээгдэхүүн оруулж ирсэн. Үүнтэй холбоотойгоор үнэ нь 500 төгрөгөөр нэмэгдэх нөхцөл үүсэн ч 200 төгрөгөөр нэмсэн талаар "Петровис" ХХК мэдэгдсэн. Төвөөс баруун бүсэд шатахууны хүрэлцээг нэмэгдүүлэх тал дээр анхаарч, үнийг буцааж буулгах санал тавьсан. Ирэх долоо хоног гэхэд үнэ буурсан байх ёстой. Дизель түлшний тухайд хэлж байсан. 85 сая тонн нүүрс экспортлохоос 83 сая тоннд хүрсэн. Үүнтэй холбогдолтойгоор дизель түлшний хэрэглээ нэмэгдсэн. Импортын тусгай звөшөөрөлгүй бөөний тусгай зөвшөөрөлтэй компани нь уул уурхайн компанид түлш нийлүүлдэг. Эрээлт нэмэгдсэнтэй холбоотой нийлүүлэлтээ хийж чадахгүй, хиймэл эрэлт бий болгож, бөөний дизель түлшний үнийг өндөр болгосон асуудал үүссэн. Бөөний түшний үнэ өссөнөөс жижиглэнгийн борлуулалтан дээр тодорхой хэмжээний доголдол үүссэн. Өргөтгөсөн зөвлөл дээр олон талаас ярилцаж богино хугацаанд шийдвэрлэх ёстой гэдгийг сануулсан.

Орон нутгийн хэмжээнд дизель түлшний нийлүүлэлтийг доголдолгүй болгоё гээд компаниуд өчигдрөөс хойш хангалтаа сайжруулаад явж байна. Дизель түлшний хувьд хангалт өнөө маргаашдаа тогтворжих ёстой. Зүүн бүс дээр мөн шатахууны хомсдол үүссэн байсан. Дизель түлш, автобензины  импортын нийлүүлэлтийг сайжруулсан. Эрээн цаваар өнөөдрийн байдлаар 23 вагон цистерн АИ-92, 13 вагон цистерн дизель түлш орж ирж байна. Зүүн бүсэд нийлүүлэлт сайжирна гэлээ.