Хятадын “BYD” компани зарим автомашинаа буцаан татах болжээ. Учир нь зарим автомашины цэнэг хураагуурын систем доголдсон нь тогтоогдсон байна. Буцаан татах автомашинууд нь 2021 оны нэгдүгээр сараас 2023 оны есдүгээр сар хүртэл үйлдвэрлэгдсэн “Qin PLUS DM-i” маркийн 88 981 ширхэг машин юм. Цэнэг хураагуурын систем доголдсоноор цахилгаан хөдөлгүүрт очих хүч буурах, зарим тохиолдолд машин цахилгаан хөдөлгүүрээрээ хөдөлж чадахгүй болох магадлалтай байдаг. Улмаар арваннэгдүгээр сарын 28-наас эхэлж эргүүлэн татсан бөгөөд доголдлыг шалгасны дараа эздэд нь хүргэн өгнө.

Эх сурвалжийн мэдээлснээр, “Qin PLUS DM-i” автомашины оношилгооны программ хангамжийг дилерүүд үнэ төлбөргүй шинэчилнэ. Хэрэв шинэчлэлийн дараа асуудал хэвээр байвал батарейны блокийг үнэ төлбөргүй сольж өгөх юм. Одоогийн байдлаар компанийн зүгээс шуудан, утас, мессежээр үйлчлүүлэгчдэд мэдэгдэл хүргүүлж байна.