Европын клубуудын хамгийн нэр хүндтэй УЕФА Аваргуудын лигийн 5-р тойрогт Челси клуб Стэмфорд Бридждээ Барселонаг хүлээн авч, 3:0-ээр хожлоо. Тоглолтын өмнө аль аль баг тэнцүү 7 оноотой, топ 8-д орохоор өрсөлдөж байсан тул илт давуу баг гэж байсангүй. Гэсэн ч Энцо Марескагийн залуус каталончуудыг зогсоосон.

Аналистууд Челсиг хамгаалтаас сөрөг довтолгоонд шилжиж, Барселонагийн хамгаалагчдын арын зайг ашиглана гэж хүлээж байсан. Гэтэл тэд эсрэгээрээ тоглолтын хэмнэлийг өөрсдөө удирдахыг зорьж, байрласан довтолгоо, шахалт, өндөр хэмнэлтэй тоглолт үзүүлэв. Үр дүнд нь лондончууд гурван гоол оруулж, дахин гурван гоол оруулсан ч отон тоглолт гэж үзсэн.

Барселона ийм өндөр хэмнэлтэй тоглолтыг огт төсөөлөөгүй бөгөөд өөрсдийнхөө тоглолтыг гаргаж чадсангүй. Челсигийн тоглогчид бөмбөгний төлөө ширүүн тэмцэлдэж, нэгийн эсрэг нэг тоглолтод илүүрхэв. Ламин Ямал энэ тоглолтыг мартахгүй нь лавтай. Түүнийг бараг талбайн бүх хэсэгт дарамталж, Марк Кукурелья гаргаасангүй. Челсигийнхэн түүнийг маш сайн хязгаарласан. Гэхдээ тоглолтын эхэнд Ферран Торрес алдсан том боломжоо ашигласан бол тоглолтын дүр зураг өөр байж болохоор байлаа.

Тоглолтын эхний үе 1:0 гэсэн харьцаатай өндөрлөсөн. Хамгийн гол нь Барсагийн багийн ахлагч Роналд Арауохо эхлээд шүүгчтэй маргасныхаа төлөө шаардлагагүй шар хуудас авч, удалгүй ширүүн алдаа гаргасныхаа төлөө дахин шар хуудас авч талбайг чөлөөлсөн нь тоглолтын эргэлтийн цэг болов.

Хоёрдугаар үед Премьер лигт олон жил тоглосон туршлагатай тоглогчид болох Маркус Рэшфорд, Рафинья нарыг оруулснаар Барселона довтолгоо талдаа арай идэвхтэй болсон ч хамгаалалтын асуудлууд хэвээр үлдэж, тоглолтын хувь заяаг өөрчлөхөд хангалтгүй байв. Магадгүй Ханс-Дитер Флик тэднийг гараанд гаргах байсан байж ч болох юм.

Барселонагийн гол асуудлын нэг нь хагас хамгаалалт сул байсанд оршино. Ялангуяа эхний хагаст Эрик Гарсиа дундын шугамд хүчин мөхөсдсөн. Төвийн хамгаалагч түүнийг өөр байрлалд ашигласан нь Фликийн нүүдэл байв. Өмнө нь баруун жигүүрт тоглож байсан түүнд төвийн шугам амар байсангүй.

Цаашид юу болох вэ?

Челси топ 8-д багтах боломжоо улам баталгаажуулж, дараагийн Аваргуудын лигийн тоглолтоо Аталантагийн талбайд хийнэ. Харин Барселона 16-ийн шатанд шууд шалгарах боломжоо хадгалсаар байна. Тэд дараагийн тоглолтуудад Айнтрахт Франкфурт, Славиа Праг, Копенхаген гуравтай тулна. Ханс Флик ч 9 оноо авах итгэлтэй байгаагаа илэрхийлсэн.