Японы баруун өмнөд хэсгийн Күмамото мужид орон нутгийн цагаар Мягмар гаригийн /2025.11.25/ 18:01 цагт 5.8 магнитудын хүчтэй газар хөдөлсөн. Энэ үеэр цунамийн аюул заналхийлээгүй. Тус улсын цаг уурын агентлагийн мэдээлснээр газар хөдлөлтийн голомт есөн км гүнд байжээ.

Ойрын хугацаанд Күмамотод болсонтой ижил хүчдэлтэй газар хөдлөлтүүд болж магадгүйг албаныхан анхааруулж байна. Эрсдэлтэй бүс нутгийн иргэд уулнаас чулуу өнхөрч унах, хөрс нурж гулсах зэргээс сэрэмжлэхийг мөн анхааруулав. Хүчтэй чичиргээ ирэх 2-3 хоногт ялангуяа тохиолдож болзошгүй аж.

Газар хөдлөлтийн хүч таваас дээш байгаа үед хүмүүс юмнаас барилгүйгээр алхахад хэцүү болдог. Мөн аяга таваг, ном зэрэг зүйлс шүүгээ савнаасаа унаж, тогтворгүй тавилганууд унадаг. Мөн хүчитгэл хийгээгүй байшин барилгын тоосго хагарч, нурж, цонх шил хагарах аюултай.