Энэ оны арваннэгдүгээр сарын 20-ны байдлаар нийт нутгийн 63 хувь нь цастай байна. Мөн өмнөх арав хоногтой харьцуулахад цасан бүрхүүлийн хэмжээ таван хувиар багассан хэдий ч цасны зузаан төв болон баруун аймгийн нутгийн хойд хэсгээр 5-9 см-ээр нэмэгджээ.

Түүнчлэн, Увсын Малчин, Түргэн, Хөвсгөлийн Алаг-Эрдэнэ, Булганы Рашаант, Баяннуур, Сэлэнгийн Ерөө, Дархан-Уулын Шарын гол суманд 20 см-ээс дээш, Увсын Хяргас, Цагаанхайрхан, Завханы Баянхайрхан, Цэцэн-Уул, Хөвсгөлийн Эрдэнэбулган, Цагаан-Үүр, Ренчинлхүмбэ, Булганы Тэшиг, Хангал, Сайхан, Хутаг-Өндөр, Өвөрхангайн Баянгол, Сант, Сэлэнгийн Орхон, Орхонтуул, Түшиг, Зүүнбүрэн, Баянгол, Хушаат, Дархан-Уулын Орхон, Төвийн Жаргалант, Заамар, Цээл, Борнуур, Угтаалцайдам, Лүн, Өндөрширээт, Баянчандмань, Хэнтийн Мөрөн, Дорнодын Цагаан-Овоод 11-20 см, бусад нутгаар 10 см-ээс бага цастай байгаа аж.