Тайваньтай холбоотой Японы ерөнхий сайд Такаичи Санаэгийн хэлсэн үгнээс үүдсэн хурцадмал байдал нэмэгдэж байна. Тэгвэл Японы Гадаад хэргийн яамны албан тушаалтнууд Хятад руу айлчилж байна.

Азийн болон Номхон далайн газрын дарга Канаи Масааки өнөөдөр Хятад улсад ирэх юм. Тэрбээр Азийн асуудал хариуцсан Хятадын Гадаад хэргийн яамны газрын дарга Лю Жинсонтой уулзана.

Канаи Японы Тайванийн талаарх байр суурь өөрчлөгдөөгүй бөгөөд Такаичигийн мэдэгдэл энэ байр сууринаас халиагүй гэдгийг тайлбарлах зорилготой юм. Мөн улс төрийн маргаан хоёр улсын иргэдийн зорчих хөдөлгөөнд нөлөөлөхгүй байхыг Хятадын талаас хүснэ. Тэрбээр мөн Осака дахь Хятадын ерөнхий консул Такаичигийн мэдэгдэлд хариу болгон сошиалд оруулсан бичлэгийг эсэргүүцэж, хүчтэй гомдол гаргана. Уг бичлэгээс болж Японы зарим улс төрч Хятадын консулыг улсдаа хориглохыг санал болгож байгаа аж.

Канаи Хятадын талд зохих хариу арга хэмжээ авахыг уриална. Хоёр улс хоёулаа бие биенийхээ элчин сайдыг дуудан гомдол гаргаад байна. Мөн Хятад иргэддээ Япон руу зорчихгүй байхыг анхааруулсан билээ. Япон улс өндөр түвшний уулзалтуудаар дамжуулан хурцадмал байдлыг улам даамжрахаас сэргийлэхийг зорьж байна.