Мэйжорын өмнөх сүүлийн том тэмцээн болох BLAST Rivals эдгээр өдрүүдэд Хонг Конгт үргэлжилж байна. Өнөөдөр/2025.11.15/ тэмцээний хагас шигшээ шатны тоглолтууд болж байгаа бөгөөд хамгийн анхаарал татаж байгаа нь "Vitality" болон "Falcons" багуудын тулаан. Оддын цуглуулга болсон "Falcons" баг хэсгээ тэргүүлснээр шууд хагас шигшээд шалгарсан бол улирлын эхний хагаст дийлдэшгүй байсан "Vitality" баг өчигдөр "Spirit"-ийг чүү чамай дийлсэн. "Donk" хүү багаа өөд нь татаж гайхалтай тоглосон ч Францын багийг бараагүй билээ.

"Falcons" баг Мэйжорын өмнө тун сайн формтой байна. Тэд одоо л учраа олж, бүрэн чадлаараа тоглож байна гэлтэй. Ялангуяа "kyousuke" хүлээлтэд хүрсэн тоглолтыг үзүүлж, "m0NESY", "NiKo" хоёроос илүү нөлөөтэй тоглож буй.

Яг одоо "FURIA" болон "paiN" гэсэн бразил багуудын гранд финалд шалгарахын төлөө буудалцаж байна. Тэдний араас дээрх хоёр багийн тулаан эхэлнэ.

350 мянган ам.долларын шагналын сантай тус тэмцээнд нийт найман оролцсон бөгөөд Монголын "The MongolZ" баг хэсгийн шатнаас тэмцээнээ өндөрлүүлсэн билээ.