Цалинтай чөлөөнд 350-400 мянга орчим хамрагдахаар байна. Гэхдээ гэрийн үйлчлэгч, цагийн ажилтан зэрэг янз бүрийн ажил хийдэг зургаан сая орчим эмэгтэй үүнд багтаагүй. Үүн дээр бодлогын алдаа гарч байгааг мэргэжилтнүүд хэлж байна. Ямартай ч хувийн хэвшлийг үүнд багтаасан гэдэг нь том дэвшил юм.

Сарын тэмдгийн чөлөө дэлхийн улс орнуудад цоо шинэ зүйл биш. Тодруулбал, Испани, Япон, Өмнөд Солонгос, Индонез улсууд хэдийнэ ийм бодлого хэрэгжүүлээд эхэлсэн билээ.

Энэтхэгийн өөр бусад мужид ч хэрэгжээд эхэлсэн нь бий боловч хоног хугацаа, шаардлага зэргээрээ бага зэрэг ялгаатай. Тухайлбал, Бихар, Одиша мужуудад засгийн газрын алба хашдаг эмэгтэйчүүд сардаа хоёр өдөр чөлөө авах эрхтэй. Мөн Керала мужид их сургууль болон аж үйлдвэрийн сургалтын хүрээлэнгийн ажилтан эмэгтэйчүүд сарын тэмдгийн чөлөө авч болдог.

Харамсалтай нь, Энэтхэгийн зарим хэсэгт сарын тэмдгийг бузар, бохир зүйл гэж үзэн эмэгтэйчүүдийг энэ өдрүүдэд гэрт нь хорих, сүм хийд орохыг нь хориглох зэрэг арга хэмжээ авдаг. "Ийм байхад бид яаж сарын тэмдгийн чөлөө авья гээд явж байх вэ" гэж зарим эмэгтэй гомдоллож байна.