Нийслэлийн Сонгинохайрхан дүүрэгт энэ сарын 12-ны өдөр зам тээврийн ноцтой осол гарч нэг иргэн амиа алджээ. Мөрдөн шалгах хэлтсийн мэдээллээр, нэр бүхий жолооч “Toyota Prius” маркийн автомашиныг жолоодож явах үедээ замын хөдөлгөөнд оролцож явсан хоёр явган зорчигчийг мөргөснөөс нэг иргэн газар дээрээ амиа алдсан харамсалтай хэрэг гарсан байна.

Одоогоор уг хэргийг Тээврийн цагдаагийн албаны Мөрдөн шалгах хэлтэс шалгаж байгаа аж.

Иймд Цагдаагийн байгууллагаас иргэдэд замын хөдөлгөөний дүрмээ чанд мөрдөж, цаг агаарын нөхцөл, харанхуй, замын нөхцөлд тааруулан хурдаа тохируулж, автомашины техникийн бүрэн бүтэн байдлыг ханган хөдөлгөөнд оролцохыг онцгойлон анхааруулж байна.