Гүрж-Азербайжаны хилийн ойролцоо Туркийн цэргийн ачаа тээврийн "C-130" онгоц осолджээ. Туркийн Батлан хамгаалах яамны мэдээлснээр тус онгоц нь Азербайжанаас буцаж явсан аж. Онгоцонд хөлгийн багийн гишүүдтэй нийлээд нийт 20 хүн байсныг Туркийн хэвлэлүүд мэлээлж байна.

Онгоц ослын дохио өгөлгүйгээр радараас алга болсон байна. Осол болсон цэг нь Азербайжанаас таван км зайд орших Сигнаги хотын ойролцоо аж.

"C-130" онгоцыг дэлхий даяарх агаарын цэргийн хүчнүүд ашигладаг. Тус онгоцыг АНУ-д үйлдвэрлэжээ.

Ослын шалтгаан хараахан тодорхой болоогүй байна. Гүрж, Азербайжаны эрх баригчидтай хамтран ослын газарт эрэн хайх, аврах ажиллагаа үргэлжилж байгааг Туркийн Батлан хамгаалах яам мэдээллээ. Хэчнээн хүн амиа алдсан зэргийг албан ёсоор мэдээлээгүй байгаа ч ерөнхийлөгч Режеп Тайип Эрдоган хохирогчдод эмгэнэл илэрхийлээд байна. АНУ-ын Турк дахь Элчин сайд Том Баррак ч бас "Х" хаягаараа амь үрэгдэгсдэд эмгэнэл илэрхийлжээ.