Мэдээллийн “NEWS” агентлагийн Гүйцэтгэх захирлаар П.Батзаяаг томиллоо. Тэрбээр 2008 онд Увс аймгийн Өндөрхангай сумын арван жилийн бүрэн дунд сургууль, 2012 онд Идэр дээд сургуулийг сэтгүүлч, радио телевизийн хөтлөгч мэргэжлээр тус, тус суралцан төгссөн.

Ажлын гараагаа 2012 онд Идэр дээд сургуульд багшаар эхлүүлж, 2013 онд Одон телевизийн мэдээний албанд сэтгүүлч, 2018-2020 онд "Ардчилал Таймс" сонины нийгэм, эдийн засгийн албаны сэтгүүлч, 2020-2022 онд "Өдрийн сонин"-ы Гадаад мэдээ, улс төрийн албаны сэтгүүлч, 2023 оноос News.mn сайтын Улс төрийн албанд сэтгүүлчээр ажиллаж байсан юм.

П.Батзаяа нь 2018 онд Монголын Сэтгүүлчдийн нэгдсэн эвлэл/МСНЭ/-ийн Ган үзэгтэн, 2018 онд Монголын залуучуудын холбооны Тэргүүний залуу алтан медаль, 2024 онд МСНЭ-ийн Хэвлэл мэдээллийн тэргүүний ажилтан шагналыг тус, тус хүртсэн.

“NEWS” агентлаг нь хэвлэл мэдээллийн салбарт тэргүүлэх байр суурь эзэлдэг, өдөр тутмын мэдээ мэдээллийг шуурхай бодитоор олон нийтэд хүргэдэг news.mn сайтыг эрхлэн гаргадаг, видео контент, англи хэлний болон хуучин монгол бичгийн салбар сайтуудыг зах зээлд нийлүүлсэн анхны хувийн салбарын мэдээллийн агентлаг билээ.