Хойд Солонгосын Батлан ​​хамгаалахын сайд Но Кван Чол АНУ, Өмнөд Солонгосын сүүлийн үеийн хамтарсан үйлдлүүдийг буруушаасан мэдэгдэл хийлэж.

Тэрбээр АНУ-ын цөмийн хөдөлгүүртэй нисэх онгоц тээгч хөлөг онгоц Өмнөд Солонгосын боомтод ирснийг буруушаагаад, Хойд Солонгос илүү түрэмгий хариу арга хэмжээ авна гэж мэдэгдэв. Мөн АНУ-Өмнөд Солонгосын хамтарсан агаарын сургуулилалт Баасан гаригт дууссан. Но Кван Чол уг сургуулилалтыг ч бас Солонгосын хойгийн хурцадмал байдлыг улам дэвэргэж байна гэж шүүмжилжээ. Түүнчлэн АНУ-ын Батлан ​​хамгаалахын сайд Пит Хегсет болон Өмнөд Солонгосын сайд Ан Гю-бак нар хоёр Солонгосын хил дээрх Панмунжом тосгонд Даваа гаригт айлчлсан. Тэдний энэ айлчлал нь Хойд Солонгосын эсрэг эцсээ хүртэл зогсох дайсагнасан шинж чанараа илэрхийлсэн үйлдэл гэж Но Кван Чол хэлэв.

Тэрбээр "Бид бүх зүйлд хариу өгөхөд бэлэн байна. Бид дайснуудын аюул заналхийллийн эсрэг илүү түрэмгий үйлдэл үзүүлэх болно" гэлээ.

Хойд Солонгос Баасан гаригт Зүүн тэнгис рүү ойрын тусгалтай баллистик пуужин харвасан бөгөөд тэр нь 700 орчим км ниссэн гэж Өмнөд Солонгосын цэргийнхэн мэдээлээд буй. Гэвч Но Кван Чол мэдэгдэлдээ энэ талаар дурдсангүй. Баасан гаригийн пуужин харвалт АНУ болон түүний холбоотнуудад шууд аюул учруулахгүй гэж АНУ-ын Энэтхэг-Номхон далайн командлал үнэлсэн аж. Гэхдээ пуужин харвах нь Хойд Солонгосын үйл ажиллагааны тогтворгүй байдлын нөлөөг онцолсон гэжээ. Мөн АНУ эх орон болон бүс нутаг дахь холбоотнуудаа хамгаалахад бэлэн хэвээр байгааг нэмж онцолжээ.