Индонезийн нийслэл Жакарта дахь нэгэн сүмд Баасан гаригийн залбирлын үеэр дэлбэрэлт болжээ. 50 гаруй хүн уг дэлбэрэлтийн улмаас бэртэж гэмтээд байна. Эрх баригчдын мэдээлснээр халдлага үйлдэгч нь 17 настай сурагч аж.

Тус сүм нь сургуулийн цогцолборт байрладаг тул гэмтсэн хүмүүсийн ихэнх нь сурагчид байна. Сэжигтэн өөрөө ч бас шархадсаныг цагдаагийн газар мэдээллээ. Дэлбэрэлтийн дараа нотлох баримт цуглуулах, дахин тэсэрч дэлбэрэх бодис байхгүй эсэхийг баталгаажуулахын тулд мэргэжлийн багийг сургуулийн цогцолборт илгээжээ.

Сэжигтэн этгээд нь гэрийн нөхцөлд хийсэн тэсрэх бөмбөг сургууль дээр авчирсан аж. Түүнийг бусад хүүхдэд байнга дээрэлхүүлдэг байсныг эх сурвалж мэдүүлжээ. Тиймээс ихэвчлэн ганцаарааа явж харагддаг, хүчирхийллийн сэдэвтэй зураг зурдаг хүүхэд байжээ.