"The MongolZ" баг "IEM Chengdu 2025" тэмцээнийг плей-оффын эхний шатнаас өндөрлүүллээ. Тэд өчигдөр/2025.11.07/ Бразилын "FURIA" багт тахим буулгав. Багийн гол тоглогчдын нэг "Senzu" сэлгээ рүү шилжиж, түүнийг орлож "controlez" багт ирсэн бөгөөд шинэ бүрэлдэхүүнээрээ анхны тэмцээндээ оролцов. Тэмцээний үеэр "Techno" дараах ярилцлагыг өгчээ.

-Шинэ тамирчин "controlez"-ийн хамтаар анхны тэмцээндээ оролцож, "Spirit"-ийг хожлоо. Ийм үр дүн үзүүлнэ гэж төсөөлж байв уу?

-Мэдээж бид өөрсдөдөө итгэлтэй байсан. Учир нь багийн үндсэн дөрвөн тамирчин, дасгалжуулагч эргэн сервертээ ирсэн. Тайзан дээр тоглож, плей-оффт шалгарах сайхан байлаа. Магадгүй хүмүүс манай шинэ тоглогчид эргэлзсэн байх. Бас "Senzu"-г сэлгээ рүү шилжсэний дараа эргэлзсэн байх. Гэхдээ л бид аргыг нь олж, плей-оффт шалгарлаа.

-Та нар өөрсдөдөө эргэлзсэн үү?

-Мэдээж үгүй. Бид эхний хоёр тоглолтдоо дасгалжуулагчгүй тоглосон. Түүний баг дахь нөлөө ямар байсныг үр дүнгээс харж болно. Одоо хүн бүр түүний нөлөөг харж байгаа байх. Бид "Astralis"-ийн эсрэг маш муу тоглосон. Бид өөрсдийнхөө тоглолтыг гаргаж чадаагүй. Харин өнөөдөр өөр байлаа.

-Controlez-той хамт тоглох ямар байна? Та нар түүнийг богино хугацаанд багтаа нэгтгэлээ. 

-Бид олон удаа бэлтгэл хийгээгүй. Магадгүй 3-4 өдөр л бэлдээд энд ирсэн байх. Түүнээс өмнө "Zowie"-ийн арга хэмжээ рүү яваад 2-3 өдөр компьютергүй байсан. Тиймээс урт хугацааг өнгөрүүлсэнгүй. Ганцхан долоо хоног.

-Түүнтэй тоглох ямар байна?

-Үнэндээ тэр үнэхээр хөгжилтэй залуу. Үнэхээр хөгжилтэй. Та нарын харж байгаачлан тэр бас манай багийн хамгийн ахмад нь. Тэр өмнө нь "Chinggis Warriors" болон хуучны "The MongolZ"-ийн бүрэлдэхүүнд тоглож байсан. Тиймээс багийн хамгийн туршлагатай тоглогч. Тэр бидэн уусаж чадна.

-Senzu багт байхгүй байгаа. Түүнд юу тохиолдсон юм бэ?

-Би түүний талаар сайн мэдэхгүй байна. Бүх зүйл гэнэтийн болсон. Би амлъя. Би юу ч мэдэхгүй байгаа. Гэхдээ тэр одоо ч mzinho бид хоёрын найз хэвээрээ байгаа.