Өмнөд Солонгосын цэргийн нисгэгчгүй онгоцууд өнгөрсөн оны аравдугаар сард Пёньяны дээгүүр хэд хэдэн удаа ниссэн. Үүний дараа Хойд Солонгос улс дайны бэлэн байдалд орсон байсныг Өмнөдийн эрх баригчид мэдээллээ. Солонгосын ардчилсан намын төлөөлөгч Пак Сун Воны мэдээлснээр, өнгөрсөн оны аравдугаар сарын 3, 6, 9-ний өдрүүдэд Пёньяны агаарын орон зайд нисгэгчгүй онгоцууд нэвтэрсэн аж.

Улмаар Хойд Солонгосын эрх баригчид Батлан ​​​​хамгаалах тагнуулын командлал болон 777-р командлалдаа ард иргэдийн сэтгэл санаа хэр байгааг тандаж, мэдээлэл цуглуулах үүрэг өгчээ. Ард иргэд ихээхэн тавгүйтэж, сандарсан байдалтай байсан бөгөөд дэглэм дайны бэлэн байдалд шилжсэн гэж Пак Сун Вон мэдээлэв.

Өмнөд Солонгос үүний дараа хоёр Солонгосыг тусгаарладаг цэрэггүй бүсийн ойролцоо нисдэг тэрэг болон дрон хөөргөж байдлыг танджээ. Уг даалгаврыг Хамтарсан штабын дарга нарын ахлах ажиллагааны офицерууд болон Газрын ажиллагааны командлал, 1-р корпус, Тусгай байлдааны командлал зэрэг армийн анги нэгтгэлүүдийн удирдагчид хянаж ажилласан байна.

Түүнчлэн Өмнөд Солонгосын ерөнхийлөгч Юн Сук Ёл цэргийн онц байдал зарлахын өмнөх өдөр буюу арванхоёрдугаар сарын 2-нд Батлан ​​​​хамгаалахын тагнуулын газар тухайн үеийн Батлан ​​​​хамгаалахын сайд Ким Ён Хёнд тагнуулын командлалын даалгавартай холбоотой мэдээлэл өгсөн аж. Уг мэдээлэл 90 минут үргэлжилжээ.