Холливудын од, хүмүүнлэгийн идэвхтэн Анжелина Жоли Украины өмнөд хэсгийн фронтод гэнэт зочилжээ. Тэрбээр Орос, Украины дайн эхэлснээс хойш хоёр дахь удаагаа фронтын шугамд айлчилж байна.

НҮБ-ын дүрвэгсдийн элч асан Жоли  өмнө нь Херсон дахь хүүхдийн эмнэлэг болон төрөх эмнэлэгт зочилж байв. 2022 онд Орост эзлэгдсэн Херсон хот өнөөдөр ч Москвагийн бөмбөгдөлтөд өртсөөр байгаа билээ. Мөн тэрбээр Львов хотод дүрвэгсэдтэй уулзаж байв.

Орон нутгийн албан тушаалтан Виталий Богданов сум нэвтэрдэггүй хантааз өмссөн Анжелина Жолигийн зургийг нийтэлжээ. Гэхдээ Анжелина Жоли ч, Украины засгийн газар ч энэ үйл явдлыг албан ёсоор баталгаажуулан мэдээлээгүй байна.