Монголбанкаас гаргасан албан мэдээллээр 2025 оны аравдугаар сард 2,829 кг, оны эхнээс өссөн дүнгээр нийт 12.7 тонн үнэт металл худалдан авчээ. Тодруулбал, Дархан-Уул аймаг дахь Монголбанкны хэлтэс 722.6 кг, Баянхонгор аймаг дахь Монголбанкны хэлтэс 1,532.9 кг үнэт металл худалдан авсан байна. Энэ нь өмнөх оны мөн үетэй харьцуулбал  10.3 хувиар буурсан үзүүлэлт юм. Мөн Монголбанкны үнэт металл худалдан авах үнийг дэлхийн зах зээл дээрх үнээр тогтоодог. Тухайлбал, 2025 оны аравдугаар сард алт худалдаж авах дундаж үнэ 466,946.14 төгрөг байжээ.

Эдийн засагчдын онцолж буйгаар дэлхийн алтны хэлбэлзэл нь дотоодын олборлолтын хэмжээ болон валютын ханшийн өөрчлөлт зэрэг хүчин зүйл нь тушааж буй алтны хэмжээнд  ихээхэн нөлөөлөх болсон гэдгийг хэлж байсан. Тухайлбал, сүүлийн зургаан жилийн хугацаанд хамгийн өндөр худалдан авалтыг өнгөрөгч 2020 онд хийжээ. Гадаад валютын улсын албан нөөцийг нэмэгдүүлэх дотоодын эх үүсвэрүүдийн нэг нь алт худалдан авалт. Монголбанк дотоодын алт олборлогч аж ахуйн нэгж, байгууллага, иргэдээс худалдан авсан алтыг гадаадын байгууллагуудад олон улсын жишигт хүргэн цэвэршүүлэн мөнгөжүүлж, гадаад валютын улсын нөөцийг нэмэгдүүлдэг билээ.