Японы зүүн хойд хэсгийн Акита мужид өнөө өглөө /2025.11.03/ хоёр хүн баавгайн дайралтад өртөж, шархаджээ. Тодруулбал, 60 орчим насны эрэгтэй гэрийнхээ хашаанд, 80 орчим насны өөр нэгэн эрэгтэй ууланд алхаж яваад халдлагад өртсөн байна. Энэ оны байдлаар Акита мужид гурван хүн баавгайн халдлагаас болж нас барсан бол 50 гаруй хүн шархаджээ. Тиймээс мужийн бүх хэсэгт баавгайн дайралтыг анхааруулсан сэрэмжлүүлэг гаргаад байна.

Зөвхөн Акита муж гэлтгүй Японы хаа сайгүй баавгайн дайралтын тоо огцом нэмэгдсэн тул тус улсын засгийн газар зөвшөөрөлтэй анчидыг ажилд авахаар төлөвлөөд буй. Улсын хэмжээнд энэ он гарсаар баавгайн дайралтад 100 гаруй хүн өртсөнөөс 12 нь нас барсан. Энэ нь 2000 онд бүртгэж эхэлснээс хойших хамгийн өндөр үзүүлэлт юм.

Мэргэжилтнүүдийн үзэж буйгаар, цаг уурын өөрчлөлтөөс болж баавгайн иддэг хуш модны самар хомсоджээ. Тиймээс өлссөн амьтад иргэний суурьшлын бүсэд орж ирэх болсон нь энэ юм.