Өмнөд Солонгосын Батлан хамгаалах яам Хойд Солонгосыг илүү сайн ажиглах зорилгоор тав дахь тагнуулын хиймэл дагуулaa хөөргөсөн байна. Энэхүү хиймэл дагуулыг АНУ-ын Флорида мужаас "SpaceX" компанийн пуужингаар хөөргөж, төлөвлөсөн тойрог замдаа оржээ. Өмнөд Солонгос улс 2023 оноос хойш Хойд Солонгосыг ажиглах зорилгоор хиймэл дагуул хөөргөж буй. Эдгээр таван хиймэл дагуул хамтдаа ажилласнаар Хойд Солонгосын пуужингийн хөөргөлтийн талбай болон бусад бүсийг цаг агаар, өдөр шөнийн нөхцөлөөс үл хамааран хоёр цаг тутамд ажиглах боломжийг Сөүлд олгоно.

Батлан хамгаалах яамны мэдээлснээр, энэ систем нь Хойд Солонгосын цэргийн үйл ажиллагааны шинж тэмдгийг илүү хурдан, нарийвчлалтай илрүүлэхэд тусалж, пуужингийн аюулд урьдчилан хариу үйлдэл үзүүлэх чадварыг сайжруулах юм. Харин Хойд Солонгос 2023 оноос эхлэн өөрийн тагнуулын хиймэл дагуулуудыг хөөргөх оролдлого хийж байгаа билээ.