"OPEC+"-ийн найман гишүүн орон арванхоёрдугаар сард түүхий газрын тосны гарцыг дахин нэмэгдүүлэхээр төлөвлөж байна. Саудын Араб, Орос болон бусад зургаан улс Ням гаригт (2025.11.02) цахим уулзалт хийж, түүхий газрын тосны гарцыг өдөрт 137 мянган баррель байлгах шийдвэр гаргав. Энэ нь арав болон арвэннэгдүгээр сартай адил хэмжээ юм. Гэхдээ ирэх оны нэгдүгээр сараас гуравдугаар сар хүртэл газрын тосны гарцын өсөлтийг түр зогсооно. Учир нь улирлын шинж чанартай гэж тайлбарлаж байна.

Энэхүү түр зогсолт нь газрын тосны эрэлт буурсан ч түүхий газрын тосны үнийг унахгүй байх зорилготой бололтой.

Өнгөрсөн сард АНУ-ын ерөнхийлөгч Дональд Трампын засаг захиргаа Оросын хоёр том газрын тосны компанид хориг арга хэмжээ авсан. Үүний дараа "WTI" маркийн түүхий газрын тосны фьючерсийн үнэ хоёр долоо хоногийн хамгийн өндөр үнэ буюу нэг баррель нь 62 ам.доллар болж өссөн байна. Шинжээчдийн үзэж байгаагаар, "OPEC+"-ийн үйлдвэрлэгчдийн хамгийн сүүлийн шийдвэр дэлхийн түүхий газрын тосны үнэд хэрхэн нөлөөлөхийг харах л үлдлээ.