БОУАӨЯ-ны сайд Үндэсний дэд хороодын ажлын явцтай танилцлаа

Цөлжилттэй тэмцэх тухай НҮБ-ын Конвенцын Нарийн бичгийн дарга нарын Газрын төлөвлөлт хариуцсан баг өнгөрсөн долоо хоногт Монголд Улсад ажилласан. Үүнтэй холбоотойгоор СОР17 бага хурлыг зохион байгуулах Үндэсний хорооны дарга Б.Батбаатар Үндэсний дэд хорооны дарга нарын хурлыг 2025 оны арваннэгдүгээр сарын 01-ний өдөр зарлан хуралдууллаа.

Хурлын эхэнд Үндэсний хорооны дарга Б.Батбаатар Конвенцын Нарийн бичгийн дарга нарын Газрын төлөвлөлт хариуцсан баг Монгол Улсад амжилттай ажиллаад буцсан гэдгийг онцлоод цаашид Үндэсний дэд хороодын ажлын үр дүнг хэлэлцэх хуралдааныг тогтмол зохион байгуулж, хариуцсан ажлуудаа эрчимжүүлэх шаардлагатайг сануулав.

Зарим Дэд хороод хариуцсан чиг үүргийн хүрээнд ажлын явц, хэрэгжилтийн талаарх мэдээ, мэдээллээ Үндэсний хорооны дарга Б.Батбаатарт танилцуулж, холбогдох асуудлаар үүрэг чиглэл авлаа.