Холливудийн алдартай продюсер гэж худал хэлж, итгүүлж байсан эрэгтэйд 146 жилийн хорих ял оноожээ. Түүнийг хоёр эмэгтэйн амь насанд хүрсэн төдийгүй удаа дараагийн хүчингийн хэрэгт буруутгасан. Тодруулбал, Лос Анжелес хотын оршин суугч Дэвид Пирс 2021 онд Беверли Хиллз дэх орон сууцандаа фентанил мансууруулах бодис хэрэглэснийхээ дараа загвар өмсөгч Кристи Жайлс, архитектор Хильда Марсела Кабралес-Арзола нарыг хөнөөсөн хэрэгт буруутай нь тогтоогджээ. Жайлс эмнэлэгт хүргэгдсэнийхээ дараа нас барсан бол Кабралес-Арзола 11 хоногийн дараа нас баржээ. Пирс өөрийгөө алдартай продюсер гэж хохирогчдод итгүүлж, тэдний итгэлийн олж авдаг байжээ.

Шүүгч Элеонор Хантер Лхагва гаригт (2025.10.29) Пирсийг 2007-2021 оны долоон эмэгтэйн эсрэг олон удаагийн бэлгийн хүчирхийлэл үйлдсэн хэргээр ялласан байна. Дүүргийн прокурор Натан Ж. Хохман хэлэхдээ, энэ ял нь хохирогчдын удаан хүлээсэн шударга ёсыг авчирсан. Пирс тэдний амь насыг "хамгийн аймшигтай аргаар хулгайлсан" гэжээ. Гэсэн хэдий ч Пирс бүх буруутгалыг үгүйсгэсэн. Түүнчлэн, Пирст гэмт хэрэг үйлдэхэд болон нуун дарагдуулахад тусалсан гэх Брант Осборны хэргийг шүүх бүрэлдэхүүн дахи хуралдаж, ялыг тогтоох болжээ.