Хөвсгөл аймгийн Ханх сумын нутагт аравдугаар сарын 31-ний өдрийн 00:54 цагт 4.2 магнитудын хүчтэй газар хөдлөлт болжээ. Газар хөдлөлт болсон тухай мэдээллийг 01:00 цагт Одон орон, геофизикийн хүрээлэнгээс цахим шуудангаар Онцгой байдлын ерөнхий газарт ирүүлсэн байна.

Дуудлагын дагуу тус аймгийн Онцгой байдлын газраар дамжуулан Ханх сумын Засаг даргаас тодруулахад, газар хөдлөлтийн чичирхийлэл бага зэрэг мэдрэгдсэн бөгөөд хохирол учраагүй тухай мэдээлжээ.