Толгойтын замыг Ард аюушийн өргөн чөлөөтэй холбох авто зам, гүүрэн байгуууламжийн ажлыг энэ сарын 31-нд бүрэн дуусгаж хүлээлгэж өгнө гэдгийг албаныхан хэлж байна. Уг бүтээн байгуулалт дууссанаар Энхтайваны өргөн чөлөөний баруун хэсгийн ачааллыг 30-50 хувиар бууруулна гэж тооцоолжээ.

Толгойтын замыг Ард Аюушийн өргөн чөлөөтэй холбох гүүрэн байгууламж, таван нүхэн гарц бүхий 3.9 км авто замын ажлыг өнгөрсөн дөрөвдүгээр сард эхлүүлсэн. Тэгвэл уг бүтээн байгуулалтын ажил 88 хувьтай үргэлжилж байна. Тодруулбал, уг авто замын эхний байршилд 2.4 км авто замын зорчих хэсгийн хөдөлгөөнийг өнгөрсөн зургадугаар сард нээсэн. Улмаар үлдсэн 1.5 км авто замын хөдөлгөөнийг аравдугаар сарын 31-нд нээхээр төлөвлөжээ.

Энэ талаар нийслэлийн Замын хөгжлийн газрын Гүүрний хяналтын мэргэжилтэн Б.Жаргалдүүрэн тэрбээр, “Ард Аюушийн өргөн чөлөөнөөс Толгойтын зам хүртэлх авто замын суурь хучилтын ажил дууссан. Аравдугаар сардаа багтаан Ард Аюушийн өргөн чөлөөнөөс баруун тийш Содон хорооллын уулзвар хүртэлх зам болон үндсэн замаас Саппорогийн уулзвар уруудах хэсгийн авто замын хөдөлгөөнийг нээхээр тэмдэг тэмдэглэгээ суурилуулж байна. Авто замын ажлаас гадна нийт шугам сүлжээний ажлын явц 90 орчим хувьтай үргэлжилж байгаа. Авто замын ажлын гүйцэтгэгчээр “Монгол зам групп” ХХК, түншлэлэээр “Ган бүрд” ХХК ажиллаж байна.

Толгойтын замыг Ард Аюушийн өргөн чөлөөтэй холбох уг авто зам нь зургаан эгнээ зорчих хэсэг, дөрвөн нүхэн гарц, нэг гүүрэн гарцтай.

Энхтайваны өргөн чөлөөний баруун хэсгийн ачааллыг 50 хүртэлх хувиар хуваалцах хүчин чадалтай холбоос зам” гэдгийг онцолжээ.

Энэхүү зам нь 4 км урт, 25 метр өргөн, замынхаа хоёр талд тус бүр 2 метр явган хүний замтай. Мөн 31.1 метр  гүүр, дөрвөн нүхэн гарц, 14 ширхэг хоолой, 4 ширхэг  тулц ханатай.