Нийслэлийн захиргааны хэргийн давж заалдах шатны шүүхийн хуралдаанаар Монгол Улсын Засгийн газрын 2022 оны дөрөвдүгээр дүгээр сарын 13-ны өдрийн 148 дугаар тогтоолийг хүчингүй болгох тухай “Кью Эс Си” компанийн нэхэмжлэлтэй хэргийг өчигдөр (2025.10.27) 12цагын турш хянан хэлэлцэж 22.18 цагт шийдвэрийг танилцуулжээ.

Шүүхээс “Кью Эс Си” ХХК-ийн нэхэмжлэлийн шаардлага болох Концессийн гэрээг цуцалсан Засгийн газрын тогтоолыг хүчингүй болгох тухай нэхэмжлэлийн шаардлагыг хэрэгсэхгүй болгох шийдвэр гаргаснаар Засгийн газрын 2022 оны 148 дугаар тогтоолыг хууль ёсны гэж үзлээ. Энэхүү шийдвэр нь "Дарханы Төмөрлөгийн Үйлдвэр" ХХК-ийн эрх ашиг, хууль ёсны ашиг сонирхлыг бүрэн хамгаалж, Монгол Улсын Үндсэн хуульд заасан байгалийн баялаг ард түмний мэдэл, төрийн хамгаалалтад байна гэсэн зарчмыг баталгаажуулсан шийдвэр боллоо.

Мөн “Кью Эс Си” ХХК нь хохирол амсаагүй, харин “Дарханы Төмөрлөгийн Үйлдвэр”-тэй байгуулсан өмнөх концессийн гэрээ нь улсын ашиг сонирхолд нийцээгүй болох нь нотлогдсон гэж үзэв.

Ингэснээр стратегийн ач холбогдол бүхий Төмөртэй төмрийн хүдрийн орд төрийн мэдэлд хэвээр үлдэж, ард түмний эрх ашиг хамгаалагдлаа. "Дарханы Төмөрлөгийн Үйлдвэр" ХХК нь Монгол Улсын уул уурхай, металлурги, хүнд үйлдвэрийн салбарын тэргүүлэгч аж ахуйн нэгж бөгөөд стратегийн ордын ашиглалт, үйлдвэрлэлийн үйл ажиллагаа явуулж байгаа баялагын сангийн орлогыг бүрдүүлэгч үндэсний томоохон компани билээ.

Концессийн гэрээ хэрэгжсэн 2014-2022 оны хугацаанд Улсын төсөвт жилд дундажаар 13.2 тэрбум төгрөгийг татвар төлбөр хэлбэрээр төвлөрүүлсэн бол "Дарханы Төмөрлөгийн Үйлдвэр" ХХК-ийн менежментийн эрх төрд шилжсэнээр өнгөрсөн гурван жилд Улсын төсөвт жилд дундажаар 50 тэрбум төлвлөрүүлж, ажилчдын дундаж цалин 2.3 дахин нэмэгдсэнээс гадна “Чингис хаан” үндэсний баялгийн санд ногдол ашиг хэлбэрээр нийт 39.6 тэрбум төвлөрүүлж арвижуулсан байна. Дарханы төмөрлөгийн үйлдвэр ХХК нь 2025 оны эхний 10 сарын байдлаар 51.5 тэрбум төгрөгийн цэвэр ашигтай ажиллаж 101.7 тэрбум төгрөг улсын төсөвт төвлөрүүлээд байгаам байна.