Кэти Перри, Жастин Трюдо нар харилцаандаа томоохон алхам хийлээ. Саяхан Канадын ерөнхий сайд асан Трюдо болон поп дуучин Перри нар дарвуулт завь дээр болзож буй зураг ил болж, тэдний үерхлийн талаар цуурхал гарсан. Ойрын эх сурвалжийн мэдээлснээр, тэдний харилцаа тодорхойгүй байгаа гэсэн бол аравдугаар сарын 25-нд Парист болзож буй нь камерын дуранд өртсөн байна. "TMZ"-ийн мэдээлснээр, хосууд "Crazy Horse Paris"-ээс олны өмнө гарч ирсэн.

Эл өдөр дуучин Перригийн 41 насны төрсөн өдөр байсан бөгөөд хосууд кабаре шоу үзсэн бололтой. "Fox News Digital"-ийн авсан зургуудад Перри, Трюдо нар гар гараасаа хөтлөлцөн алхаж байхдаа инээмсэглэж байв.

Ерөнхий сайд асны ойрын холбоотон "The Sun" агентлагт анх мэдээлэхдээ, "Трюдо хэсэг хугацаанд ганц бие явсан ч Перритэй танилцсандаа баяртай байгаа. Трюдод дуучны хувь хүний зан чанар таалагдаж байгаа бөгөөд тэд олон төрлийн сэдвээр ярилцаж чаддаг. Гэхдээ Трюдо, Перри нар өөрсдийн гэсэн хариуцлагатай тул нэгнээ шахамдуулахыг хүсэхгүй байгаа бололтой. Трюдогийн хувьд Перри цэвэр агаар шиг санагддаг" гэсэн юм. Энэ сарын эхээр Пеери Лондон хотод тоглолтоо хийсэн. Энэ үеэр тэрбээр хуучин нөхөр Орландо Блүүмын талаар хошигнож, Трюдитой харилцаа үүсгэсэн талаараа цухуйлгасан. Тэрбээр хэлэхдээ, "Лондончуудаа та нар өдөржин ажиллаж, хичээл сургуулийн дараа ч ядралгүй,  Даваа гаригийн орой ийм байж чаддаг гэж үү? Тийм бол би үргэлж Англи залууд дурлах нь аргагүй л юм байна. Гэхдээ одоо тийм биш болсон" гэжээ. Түүнчлэн дуучин Перригийн шүтэн бишрэгч түүнд гэрлэх санал тавихад, "Чи надаас 48 цагийн өмнө асуух байж дээ" гэж хариулсан байна. Тухайлбал, дуучин Перри Лондонд тоглолт хийхээсээ өмнө ерөнхий сайд асантай Санта Барбарагийн далайн эрэг дагуу болзож байсан юм.

Перри, жүжигчин Блүүм нар арав гаруй жил гэр бүл байсан ч долдугаар сард зам замаа хөөсөн. Харин Трюдо 2023 онд 18 жил ханилсан эхнэр Софи Грегуараас салсан. Эх сурвалжийн мэдээлснээр, "Перри, Трюдо нар нэг нэгэндээ татагдаж байгаа. Гэхдээ энэ харилцаа хэрхэхийг таамаглах эрт байна. Перри аялан тоглолт хийгээд завгүй байгаа бол Трюдо ерөнхий сайд байхаа больсон тул цаашид хэрхэн ажиллах талаараа шийдэж байгаа юм. Гэхдээ тэр хоёр адилхан сонирхол олон байдаг. Тэдний үүрэг хариуцлага энэ харилцааг яаруулахгүй байх. Гэсэн хэдий ч нэг нэгэндээ зав гаргадаг. Хэдийгээр холын харилцаа хэцүү ч Трюдо, Перри нар үүнийг давж чадна гэж бодож байна" гэж онцолжээ.