АНУ-ын ерөнхийлөгч Дональд Трамп ирэх Пүрэв гаригт Өмнөд Солонгос руу айлчилж, Хятадын дарга Ши Жиньпинтэй уулзана гэж Цагаан ордон мэдэгдэв. Мөн Японы шинэ ерөнхий сайд Такаичи Санаэтэй Мягмар гаригт уулзахаар төлөвлөж байна. Цагаан ордны хэвлэлийн төлөөлөгч хэлэхдээ, ерөнхийлөгч Дональд Трамп Ням гаригт (2025.10.26) Зүүн Өмнөд Азийн орнуудын тэргүүн нартай Малайз улсад дээд хэмжээний уулзалт хийнэ. Үүний дараа Лхагва гаригт Өмнөд Солонгост айлчилж, тус улсын ерөнхийлөгч Ли Жэ Мёнтэй уулзах юм байна. Эл өдөр Ази-Номхон далайн орнуудын эдийн засгийн хамтын ажиллагааны форум болох юм.

АНУ болон Хятадын төрийн тэргүүн нарын уулзалт чухал юм. Трамп Ши Жиньпинтэй уулзах үеэрээ Хятадыг Оросын газрын тосыг цаашид худалдаж авахгүй байхыг уриална гэж зарим шинжээчид үзэж байна. Энэ нь Украин руу түрэмгийлж буй Оросын эдийн засгийг шахалтад оруулах зорилготой. Түүнчлэн Ши Жиньпинтэй энэ сарын эхээр Бээжингийн газрын ховор элементийн экспортыг чангалах болсон шийдвэрийн талаар ярилцах бололтой.