“Шахмал түлш худалдаа, авна, зарна” фейсбүүк зарын группээр дамжуулан шахмал түлш авахаар хандаж залилуулсан гэх гомдол мэдээлэл Цагдаагийн байгууллагад ихээр бүртгэгдэх болжээ. Өнгөрсөн нэг хоногийн хугацаанд гэхэд энэ төрлийн 12 дуудлага, мэдээлэл бүртгэгдсэн байна.

Тодруулбал,“Шахмал түлш худалдаа, авна, зарна” группээр дамжуулан нэг тонн шахмал түлш авахаар хандаж урьдчилгаа мөнгө шилжүүлж залилуулсан байна. Залилах гэмт хэрэгт өртөж байгаа шалтгаан нөхцөл нь залилагч таны хэрэгцээ шаардлагад тулгуурлаж залилж байгаа тул иргэд та бүхэн цахим орчинд аливаа зүйлийг худалдан авахдаа урьдчилгаа мөнгө болон төлбөрөө бүрэн шилжүүлэхгүй байх мөн энэ төрлийн залилах гэмт хэргийн арга, төрөл нарийсаж байгаа учир мэдээллээ сайтар нягтлахыг Цагдаагийн байгууллагаас сэрэмжлүүлж байна.