Монгол Улсын хилээр 2025 оны эхний есөн сарын байдлаар давхардсан тоогоор зургаан сая гаруй зорчигч нэвтэрчээ. Энэ нь өмнөх оны мөн үеэс 624 мянга буюу 11.5 хувиар нэмэгдсэн үзүүлэлт аж. Нийт зорчигчдын 35.9 хувь нь Замын-Yүд, 28.1 хувь нь Чингис хаан, 8.2 хувь нь Гашуун сухайт, 8.1 хувь нь Алтанбулаг, 5.8 хувь нь Шивээхүрэн, 13.9 хувь нь бусад боомтоор тус тус орсон байна. Үүнээс Монгол Улсын иргэд 74.7 хувь нь байгаа бол 769.5 мянга нь гадаад улсын иргэд байгаа аж. Хилээр нэвтэрсэн гадаад иргэдийг өмнөх оны мөн үетэй харьцуулахад 70.5 мянгаар нэмэгдэж, 60 хувь нь эрэгтэй, 40 хувь нь эмэгтэйчүүд улсын хилээр нэвтэрчээ. Тус иргэдийг насны бүлгээр авч үзвэл 483.3 мянга нь 30-59 насныхан давамгайлж буйг Үндэсний статистикийн хорооноос танилцууллаа.

Жуулчдын 115.2 мянга нь 10 хүртэл хоног, 573.5 мянга нь 30 хүртэл хоног, 7.9 мянга нь 60-аас 90 хүртэлх хоног, 73 мянга нь 90-ээс дээш хоногоор зорчиж байна.

Улсын хилээр орсон гадаадын жуулчдыг бүс нутгаар нь авч үзвэл 64.3 хувь нь Зүүн Ази, Номхон Далайн бүс нутаг, 30.1 хувь нь Европ, 2.9 хувь нь Америк, 1.6 хувь нь Ойрх Дорнод, 0.9 хувь нь Өмнөд Ази, 0.2 хувь нь Африк тивийн жуулчид эзэлж байна. Хилээр нэвтэрсэн гадаадын жуулчдын 30.9 хувь нь БНХАУ-ын иргэд, 23.5 хувь нь ОХУ-ын иргэд, 21.3 хувь нь БНСУ-ын улсын иргэд, 3.9 хувь нь Япон улсын иргэд, 2.7 хувь нь Бүгд Найрамдах Казахстан Улсын иргэд, 17.7 хувийг бусад улсын иргэд тус тус эзэлж байна.

Түүнчлэн, аялал жуулчлалын мэргэжлийн холбооны нэгдсэн мэдээллээр 2025 оны аравдугаар сарын 16-ны өдрийн байдлаар Монгол Улсын хилээр нэвтэрсэн зорчигчдын тоо өдөр бүрээр танилцуулдаг. Ингэхдээ, нийт нэвтэрсэн тохиолдлын дийлэнх хувийг БНХАУ, ОХУ-ын иргэд тус тус эзэлж байна.