Монголбанкны Ерөнхийлөгч Б.Лхагвасүрэн тэргүүтэй төлөөлөгчид Олон Улсын Валютын Сан (ОУВС), Дэлхийн банкны 2025 оны “Жилийн уулзалт”-д 10 дугаар сарын 14-18-ны өдрүүдэд АНУ-ын Вашингтон хотноо оролцож байна.

Монголбанкны Ерөнхийлөгч Б.Лхагвасүрэн энэ үеэр ОУВС-ийн Гүйцэтгэх захирал Лю И тэргүүтэй төлөөлөгчидтэй уулзалт хийж, Монгол Улсын эдийн засгийн төлөв байдал тэр дундаа инфляцын хүлээлт, Төв банкнаас хэрэгжүүлж буй бодлого, цаашдын төлөв, дэлхийн эдийн засаг, худалдааны тодорхой бус байдлын талаар хэлэлцлээ.

Уулзалтын үеэр ОУВС-ийн зүгээс Монгол Улсад нэмэлтээр шаардлагатай техникийн тусалцаа үзүүлэх боломжтой буйгаа илэрхийлэв.