Нүүрсний хулгайд нэр холбогдсон УИХ-ын дарга өөрийн хүсэлтээр чөлөөлөгдөхөө мэдэгдлээ. Гэхдээ түүний энэ нүүдэл гэмшсэн ч юмуу, эсвэл ёс суртахууны зоримог алхам үнэхээр мөн байв уу?. Нүүрсчид хуйвалдаж, даргын суудлаасаа огцорсон дүр үзүүлээд нүүрсний хулгай, авлигатай тэмцэж байгаа Г.Занданшатарын Засгийн газрыг огцруулах замаар өөрөө дараагийн Ерөнхий сайд болох тактик руу шилжсэн байж болох уу?. Үндсэн хуулийн зөрчил рүү шахаж, төрийн ажлыг гацаасан гэмээ нуун далдлах гэсэн Д.Амарбаясгалангийн богино зайн улс төр гэж үзэж болохоор байна. Улс төрийн энэ үйл явдал зүгээр ч нэг өрнөсөнгүй. УИХ дахь АН-ын бүлэгтэй үгсэн хуйвалдаж, нүүрсний хулгайтай тэмцсэн Г.Занданшатарын Засгийн газрыг хөмрөөд, АН тай хамтарсан засаг байгуулах тохироог хөшигний ард хийсэн байх магадлалтай. Гуравхан сар ажиллахдаа эдийн засгийн уналтыг зогсоож, нүүрсний хулгайтай тэмцэх замаар баялгийн хуваарилалтыг монгол хүн бүрт шударгаар хүртээх гэсэн Г.Занданшатарын тэмцлийг зогсоох нь Д.Амарбаясгалан болон түүний ард байгаа орлогоо нотолж чадаагүй Л.Оюун-Эрдэнэд л ашигтай. Үүнийг л хэзээ ч мартаж болохгүй.