Олон улсын валютын сан (ОУВС) Мягмар гаригт (2025.10.14) Оросын 2025 оны эдийн засгийн өсөлтийн таамаглалыг дахин бууруулжээ. Тодруулбал, дэлхийн эдийн засгийн хэтийн төлөв өссөн ч Оросынх ердөө 0.6 хувиар өснө гэж таамаглаж байна. Энэ оны долдугаар сард тус улсын ДНБ 0.9 хувиар өснө гэж ОУВС таамаглаж байсан. Дөрөвдүгээр сард тус байгууллага ОХУ-ын жилийн өсөлтийг энэ зун бууруулахаас өмнө 1.5% байхаар төлөвлөж байсан. Мөн дөрөвдүгээр сард Оросын жилийн өсөлтийг 1.5 хувь байна гэж тооцоолж байсан ч улам буурсан байна.

Харин Орос улс 2026 онд ДНБ-ий өсөлт 1 хувь, 2030 онд 1.1 хувь байна гэж тооцоолсон хэвээр байна.

Гэхдээ энэ тооцоолол нь дайны дараах Оросын ДНБ-ий 4.3 хувийн өсөлтөөс огцом буурсныг харуулж байна. Тус улсын Эдийн засгийн хөгжлийн яам энэ онд 1 хувь, 2026 онд 1.3 хувь, 10 жилийн дараа 2.5-2.8 хувь хүртэл өснө гэж үзэж байна. Харин Төв банк 2025 онд ДНБ-ий өсөлтийг 1-2 хувь, 2028 он гэхэд 2.5 хувьд хүрнэ гэж таамаглаж байна. Үүний зэрэгцээ ОУВС Оросын инфляцын түвшин энэ онд 9 хувь болж өснө гэж таамаглаж байна. Тус улсын Төв банкнаас есдүгээр сард мэдээлснээр, жилийн инфляц 8.2 хувь байсан гэж мэдээлжээ. Дэлхийн хэмжээнд ОУВС-ийн таамаглаж буйгаар, 2025 оны өсөлт 3 хувиас 3.2 хувь болсон бол 2026 онд 3.1 хувь гэж үзэж байна.