Нийслэлийн тэтгэлэгт хөтөлбөрт оюутан залуусыг урьж байна

Оюутан та энэхүү хөтөлбөрт хамрагдсанаар хүүхэд, залуусыг гэмт хэргээс урьдчилан сэргийлэх, соён гэгээрүүлэх үйл ажиллагаанд өөрийн биеэр оролцох юм. Мөн салбар бүрийн мэргэжилтнүүдийн чиглүүлэг дор багаар ажиллаж гэмт хэргээс урьдчилан сэргийлэхэд өөрсдийн санаачилсан төсөл арга хэмжээг хэрэгжүүлэх боломжтой болно.

Хөтөлбөрт нийт 100 оюутныг шалгаруулах бөгөөд 10 оюутан тус бүрт 3,500,000 төгрөг, 10 оюутан тус бүрт 2,500,000 төгрөг, 80 оюутан тус бүрт 2,000,000 төгрөгийн урамшуулал олгож сурах, хөгжих үйл явцад дэмжлэг үзүүлнэ.

Хөтөлбөрийн эхний шатны материалыг 2025 оны аравдугаар сарын 1 -ний өдрөөс 2025 оны аравдугаар сарын 19-ний өдрийг дуустал цахимаар хүлээн авна.

Цахим өргөдөл илгээх холбоос:

https://form.jotform.com/252725271350452

Та бүхэнд амжилт хүсье!